საქართველოს ადვოკატთა ასოციაციის თავმჯდომარე ზაზა ხატიაშვილი აცხადებს, რომ მერიას არანაირი სამართლებრივი აქტი არ აქვს პლაკატების გაკვრისთვის მოქალაქეების დასაჯარიმებლად.
„არ არის გამოყოფილი და დაგენილი ადგილები, სადაც შეიძლება პლაკატების გაკვრა და სადაც არ შეიძლება. იმიტომ, რომ მე ვესწრებოდი მალხაზ პატარაიას საქმეს, როდესაც ადვოკატი დააჯარიმეს. იქ რამდენჯერმე მიმართა მოსამართლემ და მერიამ ვერანაირი პასუხი ვერ გასცა. თუ ადამიანს დაჯარიმებ ამ პლაკატის გაკვრის გამო და ელემენტარულად, აქ არის გაკრული სვხა პლაკატებიც, აქ არის დიკსრიმინაციული მოპყრობა. არ შეიძლება ერთი და იგივე პირობებში ერთი ადამიანი დააჯარიმო და მეორეზე ინფორმაცია არ გქონდეს, ვინ გააკრა“, – განაცხადა ზაზა ხატიაშვილმა.
მან აღნიშნა, რომ თამარ ჩერგოლეიშვილის, ლექსო მაჭავარიანის და სტუდენტ სალომე ხვადაგიანის დაკავება არის სირცხვილი და წინასაარჩევნოდ ადამიანების დაშინება.
