“ერთიანი ნაციონალური მოძრაობა” ანტიკორუფციული კომიტეტების ჩამოყალიბებას მთელი ქვეყნის მასშტაბით იწყებს.სიის ათეულში, როგორც “თაიმერისთვის” გახდა ცნობილი წალენჯიხის მუნიციპალიტეტი მოხვდა.
როგორც ანტიკორუფციული კომიტეტების მესვეურნი აცხადებენ “ერთიანმა ნაციონალურმა მოძრაობამ” არაერთხელ წარმოადგინა ბიძინა ივანიშვილის ოლიგარქიულ-კორუფციული მმართველობის დამადასტურებელი ფაქტები და სქემები. მსგავსი სქემა თითქმის ყველა რაიონში მუშაობს და მისი ქვაკუთხედი, როგორც წესი, მუნიციპალიტეტის გამგებელი და/ან მაჟორიტარი დეპუტატია.
დიდი ყურადღება დაეთმობა ნაცნობ-მეგობრების თანამდებობაზე დანიშვნის, ბიუჯეტის სახსრების გაფლანგვისა და კორუფციული გარიგებების, სოფლის განვითარების პროგრამებისა და ტენდერების საკითხებს.