ამერიკული არმიის ინტერნეტ საიტის ცნობით, საქართველოსა და აშშ-ს სამხედროების მიერ 11 მაისს ვაზიანში დაგეგმილი ერთობლივი წვრთნების ფარგლებში, ამერიკული არმია სამხედრო ტექნიკას ჩამოიყვანს…
სამხედრო ტექნიკა ბულგარეთში უკვე დაიტვირთა და უახლოეს დღეებში ბათუმის პორტში შემოვა…
გავრცელებული ინფორმაციით, ამერიკელების მიერ წვრთნების ჩასატარებლად გამოგზავნილ სამხედრო ტექნიკაში, სხვა ტექნიკასთან ერთად, 14 ერთეული ,,ბრენდლის,, მარკის ქვეითთა საბრძოლო მანქანაა, რამდენიმე ლოჯისტიკური უზრუნველყოფის მანქანა და წვრთნების სხვა აღჭურვილობები.
ერთობლივი ქართულ-ამერიკული წვრთნები, ოფიციალური მონაცემებით 11 მაისს, ვაზიანის სამხედრო აეროდრომზე დაიწყება და მასში ამერიკული ,,ალფას,, გარდა, ქართული პირველი და მეოთხე ბრიგადის 600-მდე სამხედრო მოსამსახურე მიიღებს მონაწილეობას. წვრთნები, მიზნად ისახავს ქართული ასეულების სამხედრო მომზადების ნატოს სწრაფი რეაგირების ძალებთან დაახლოებას, მომავალში ნატოს სწავლებებში მონაწილეობის მიღების მიზნით.