ბათუმის ბულვარის ადმინისტრაციის დირექტორის, გიორგი ზირაქაშვილის განცხადებით, “ალი და ნინოს” სკულპტურას მცირე დაზიანება აქვს ის ერთი კვირის ფარგლებში აღდგება. მისივე თქმით, გადატანის დროს ბაგირი გაწყდა და სკულპტურას ორი-სამი ფრთა აქვს დაზიანებული.
შეგახსენებთ, რომ ბათუმში, “ალი და ნინოს” სკულპტურა გადატანის დროს დაზიანდა. არსებული ინფორმაციით, დამსხვრეულია ნინოს სკულპტურა. თამარ კვესიტაძის ნამუშევარი, ბათუმის სანაპიროზე , ზღვასთან ახლოს, 2011 წლის ზაფხულში დადგეს. თუმცა იმის გამო, რომ სკულპტურას ზღვამ საძირკველი დაუზიანა, მისი სხვა ადგილას გადატანა გადაწყდა.