აშშ-ის პრეზიდენტი ბარაკ ობამა, დღეს ოფიციალურად შეუცვლის სახელს მთა მაკ-კინლის, რომელიც ალიასკაზე მდებარეობს, განაცხადა თეთრი სახლის პრესსამსახურმა. ჩრდილოეთ ამერიკაში ყველაზე მაღალი მთის სახელწოდება ამიერიდან დენალი იქნება.
ამრიგად, მთა დაიბრუნებს იმ სახელს, რაც მას ალიასკის ძირძველმა ხალხებმა დაარქვეს. მთისთვის სახელწოდების შეცვლა დაკავშირებულია ობამას სამდღიან ვიზიტთან ჩრდილოეთ შტატში.
1896 წელს, მთას, აშშ-ის 25-ე პრეზიდენტის, უილიამ მაკ-კინლის სახელი მიენიჭა, თუმცა ადგილობრივები და ჩინოვნიკები არაერთხელ შეეცადნენ მთისთვის ძველი სახელი დაებრუნებინათ, რომელიც თარგმანში „დიადს“ ნიშნავს.
პრეზიდენტმა ობამამ ალიასკაზე ტელე-ვარსკვლავ ბერ გრილსთან სელფი გადაიღო. ფოტო თეთრი სახლის Instagram-ის აკაუნტზე გამოქვეყნდა. ფოტო ნაციონალურ პარკშია გადაღებული მთებსა და მყინვარწვერების ფონზე.
“მიხარია, რომ ეს ერთადერთი დათვია, რომელსაც პარკში შევხვდი” – ობამას მინაწერი აქვს ფოტოს.
