აგებენ თუ არა პასუხს ის ადამიანები, ვინც ზვიად გამსახურდიას ხელისუფლება იარაღით დაამხო და მშვიდობიანი მოქალაქეები დახვრიტა? ამის შესახებ „ასავალ-დასავალს” საქართველოს უზენაესი სასამართლოს ახალი თავმჯდომარე ნინო გვენეტაძე ესაუბრა.
„თუკი საქმეების გადახედვა-გადასინჯვისთვის სამართლებრივი ბერკეტები იარსებებს, რასაკვირველია, სასამართლო შეასრულებს კანონის მოთხოვნებს, ხოლო, თუ საპროცესო ხანდაზმულობის ვადები გაშვებული იქნება, ბუნებრივია, სასამართლოში ამ საკითხებზე ვერ იქნება მსჯელობა. ჩემი მხრიდან პირდაპირი პასუხი არ იქნება მართებული. საჭიროა, საკანონმდებლო დონეზე შეიქმნას ისეთი საპროცესი ჩარჩო, რომელიც სასამართლოს მისცემს შესაძლებლობას, განიხილოს და გადასინჯოს ის საქმეები”,- განაცხადა გვენეტაძემ.
