საქართველო მომავალი წლისთვის არაბთა გაერთიანებულ საემიროებში დიპლომატიური წარმომადგენლობის გახსნას გეგმავს.
როგორც საგარეო საქმეთა სამინისტროს წარმომადგენელმა პარლამენტის შესაბამისი კომიტეტის სხდომაზე განაცხადა, აბუ-დაბიში გაიხსნება საელჩო, ხოლო დუბაიში გენერალური საკონსულო.
მისივე თქმით, კონკრეტულ ვადებზე ჯერ ვერაფერს იტყვის, მაგრამ ყველა ფორმალური მხარე მოგვარებულია.
რაც შეეხება თანხებს, ახალი დიპლომატიური წარმომადგენლობის გახსნისთვის დაახლოებით 3 მილიონი ლარია გათვალისწინებული.