გრიგორი კარასინისა და ზურაბ აბაშიძის მიერ გაკეთებულ განცხადებებს გამოეხმაურა საქართველოს ყოფილი საგარეო საქმეთა მინისტრი მაია ფანჯიკიძე. ირაკლი ალასანიას თანაგუნდელი და ყოფილი მთავარი დიპლომატი ფიქრობს, რომ აბაშიძე-კარასინის მოლაპარაკებების ფორმატი შეიცვალა.
“პრობლემა ახლა არის ის, რომ აბაშიძე-კარასინის ფორმატის მანდატი შეიცვალა. თუ აბაშიძე დე ფაქტო პრემიერ-მინისტრის მიერ დანიშნულ დე ფაქტო საგარეო საქმეთა მინისტრად გვევლინება, ამაზე უნდა მოხდეს ყურადღების კონცენტრირება. ეს გზავნილები, რაც გვესმის, მიუთითებს რუსეთის მიმართ დათბობაზე, მაგრამ ეს დათბობა დათმობის ხარჯზე ხდება,” – აცხადებს პარტია “თავისუფალი დემოკრატების” წევრი მაია ფანჯიკიძე