აბაშის რაიონის სოფელ კეთილარში 50 წლამდე მამაკაცი მოკლეს და შემდეგ გაქურდეს.
ამის შესახებ ინფორმაციას შსს ავრცელებს.
შსს-ს ინფორმაციით, სამართალდამცველებმა უკვე დააკავეს ერთი პირი, რომელსაც ბრალი მკვლელობის, ქურდობისა და სხვისი ნივთის დაზიანების შესაბამისი მუხლებით წარედგინა.
არსებული ინფორმაციით, მამაკაცი ჯერ სანადირო თოფით მოკლეს, შემდეგ კი მისი ფერმიდან 30 სული საქონელი წაიყვანეს.