ოდესის გუბერნატორი მიხეილ სააკაშვილი საქართველოს მოქალაქეობაზე უარს აცხადებს და ამ მოქალაქეობაზე უარის თქმის პროცესშია. ამის შესახებ “უკრაინსკაია პრავდას” ოდესის გუბერნატორის პრესსამსახურის თანამშრომელმა დენის სამიგინმა განუცხადა.
“მიხეილ სააკაშვილი საქართველოს მოქალაქეობაზე უარის თქმის პროცესშია” – განუცხადა მან გამოცემას.
მანამდე კი სააკაშვილის მოადგილემ მარია გაიდარმა გამოცემა “მედუზასთან” ინტერვიუში აღნიშნა, რომ მიხეილ სააკაშვილს საქართველოს მოქალაქეობაზე უარი არ უთქვამს და თავადაც არ აპირებს რუსეთის მოქალაქეობაზე უარის თქმას. გამოცემა აღნიშნავს, რომ უკრაინის კონსტიტუცია ორმაგ მოქალაქეობას კრძალავს.
