შსს მეხანძრეების სამსახურიდან დათხოვნის მიზეზებს განმარტავს

news
: news თებერვალი 10, 2015 11:05 განახლებულია

შსს მეხანძრეების სამსახურიდან დათხოვნის მიზეზებს განმარტავს

შინაგან საქმეთა სამინისტროს ექვსი თანამშრომელი, გენერალური ინსპექციის შემოწმების საფუძველზე, სამსახურიდან დაითხოვეს. გენერალური ინსპექციის თანამშრომლებმა ნარკოლოგიური შემოწმება ჩაუტარეს სამინისტროს საგანგებო სიტუაციების თბილისის სახანძრო-სამაშველო სამსახურების პირად შემადგენლობას.

შინაგან საქმეთა სამინისტროს ექვსი თანამშრომელი პოლიციელისათვის შეუფერებელი ქმედებისთვის, ნარკოტიკული ნივთიერებების უკანონოდ მოხმარების ფაქტზე სამსახურიდან დაითხოვეს.

ნარკოტიკული საშუალება მარიხუანის მოხმარების ფაქტზე გამოვლენილი არიან: ისანი-სამგორის, ვაკე-საბურთალოს, გლდანი-ნაძალადევის და მთაწმინდა-კრწანისის სახანძრო-სამაშველო სამსახურის მაშველ-მეხანძრეები.

სამაშველო სამსახურის გათავისუფლებულმა თანამშრომლებმა, სამსახურში დაბრუნების მოთხოვნით, აქცია გუშინ გამართეს. მათი მტკიცებით, თანამშრომლების ნაწილი არასრული განათლების ან ნასამართლეობის გამო დაითხოვეს სამსახურიდან.

როგორც მაშველები განმარტავენ, მათ განცხადებები მერიაში დააწერინეს და პირობა მისცეს, რომ სამსახურის შსს-ზე დაქვემდებარების შემდეგ აღადგენდნენ, რაც შემდგომში არ გააკეთეს.

news
: news თებერვალი 10, 2015 11:05 განახლებულია

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,226
ვიზიტორი
დღეში
Powered By Google Analytics