„ქუცნაშვილის შანსები მინიმალურია,” – ნინო გოგუაძე

news
: news თებერვალი 10, 2015 12:49 განახლებულია

„ქუცნაშვილის შანსები მინიმალურია,” – ნინო გოგუაძე

საპარლამენტო ოპოზიციას მიაჩნია, რომ უმრავლესობის დეპუტატის ზაქარია ქუცნაშვილის შანსები, რომ გახდეს უზენაესი სასამართლოს თავმჯდომარე, მინიმალურია. „თავისუფალი დემოკრატების” წევრი, დეპუტატი ნინო გოგუაძე ამის მიზეზად უმრავლესობასთან შეუთანხმებლობას ასახელებს. მისი თქმით, თუ ქუცნაშვილს თავისი გადაწყვეტილება თანაგუნდელებთან არ შეუთანხმებია, მას მათი მხარდაჭერის მოპოვება ძალიან გაუჭირდება.

„ჩვენ თვითონ დავასახელეთ შალვა შავგულიძე, ვინაიდან მიგვაჩნია, რომ მისი პროფესიონალიზმი, კომპეტენტურობა და დამოუკიდებლობის შენარჩუნების უნარი არის ძალიან მნიშვნელოვანი თვისებები უზენაესი სასამართლოს თავმჯდომარისთვის. რაც შეეხება ქუცნაშვილს, ის არასამთავრობოებმა წარადგინეს და ჯერი პრეზიდენტზეა. თუ უმრავლესობა ამბობს, რომ ეს მათთან შეთანხმების გარეშე მოხდა, მე შემიძლია ვთქვა, რომ მისი შანსები მინიმალურია,” – განაცხადა გოგუაძემ.

შეგახსენებთ, რომ ზაქარია ქუცნაშვილი უზენაესი სასამართლოს თავმჯდომარის კანდიდატად მის დასახელებას დღეს დასთანხმდა. ამ გადაწყვეტილების შესახებ კი საპარლამენტო უმრავლესობამ არ იცოდა.

news
: news თებერვალი 10, 2015 12:49 განახლებულია

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,691
ვიზიტორი
დღეში
Powered By Google Analytics