ფედერიკა მოგერინი – ვიზების ლიბერალიზაციის პროცესზე გადაწყვეტილება ქვეყნის დამსახურების მიხედვით უნდა მივიღოთ

news
: news მარტი 17, 2015 14:12 განახლებულია

ფედერიკა მოგერინი – ვიზების ლიბერალიზაციის პროცესზე გადაწყვეტილება ქვეყნის დამსახურების მიხედვით უნდა მივიღოთ

მნიშვნელოვანი

  • ევროკომისრის საგარეო ურთიერთობათა საკითხებში, ფედერიკა მოგერინის განცხადებით, ვიზების ლიბერალიზაციის პროცესზე ყველანი თანხმდებიან, რომ გადაწყვეტილება უნდა მიიღონ ქვეყნის დამსახურების მიხედვით.

სხვა სტატიები

ევროკომისრის საგარეო ურთიერთობათა საკითხებში, ფედერიკა მოგერინის განცხადებით, ვიზების ლიბერალიზაციის პროცესზე ყველანი თანხმდებიან, რომ გადაწყვეტილება უნდა მიიღონ ქვეყნის დამსახურების მიხედვით.
ამის შესახებ ფედერიკა მოგერინიმ ბრიუსელში განაცხადა. ამით ის “საზოგადოებრივი მაუწყებლის” ჟურნალისტის კითხვას გამოეხმაურა, რას უნდა ელოდოს საქართველო რიგის სამიტისგან.
“ვიზების ლიბერალიზაციის პროცესზე ჩვენ ყველა ვთანხმდებით, რომ გადაწყვეტილება უნდა მივიღოთ ქვეყნის დამსახურების მიხედვით. ეს ნიშნავს იმას, რომ ის დაფუძნებული უნდა იყოს ევროკომისიის მიერ გაკეთებულ შეფასებაზე. შეფასება კომისიამ რიგის სამიტამდე უნდა წარმოადგინოს. ვადასტურებ, რაც განაცხადა ლატვიის საგარეო საქმეთა მინისტრმა და რაც ითქვა ერთი კვირის წინ რიგაში. დღეს ლატვიის საგარეო საქმეთა მინისტრმა განაცხადა, რომ თუ იქნება ევროკავშირის პოზიტიური შეფასება, მაშინ საქართველომ უნდა მიიღოს ვიზების შემდგომი ლიბერალიზაცია”, -განაცხადა ევროკომისარმა.
ევროკომისარმა, გაფართოებისა და ევროპული სამეზობლო პოლიტიკის საკითხებში, იოჰანეს ჰანმა კი განაცხადა, რომ ვიზების ლიბერალიზაციასთან დაკავშირებით შეფასებების გასაკეთებლად კონკრეტულ მეთოდოლოგიას მიყვებიან.
“ამ დროისთვის ანგარიში ჯერ კიდევ არ გვაქვს. ამიტომ საკმაოდ ადრეა არსებითი შინაარსის კომენტარის გაკეთება”, – განაცხადა იოჰანეს ჰანმა.
ევროკომისრების კომენტარები “საზოგადოებრივმა მაუწყებელმა” გაავრცელა.

news
: news მარტი 17, 2015 14:12 განახლებულია

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,353
ვიზიტორი
დღეში
Powered By Google Analytics