საქართველოს წყალბურთელთა ეროვნული ნაკრები ევროპის ჩემპიონატის შესარჩევი ეტაპის შეხვედრებს იწყებს

news
: news თებერვალი 6, 2015 17:11

საქართველოს წყალბურთელთა ეროვნული ნაკრები ევროპის ჩემპიონატის შესარჩევი ეტაპის შეხვედრებს იწყებს

მნიშვნელოვანი

  • საქართველოს წყალბურთელთა ეროვნული ნაკრები 2016 წლის ევროპის ჩემპიონატის შესარჩევი ეტაპის პირველი ტურის შეხვედრებს დღეიდან იწყებს.

სხვა სტატიები

საქართველოს წყალბურთელთა ეროვნული ნაკრები 2016 წლის ევროპის ჩემპიონატის შესარჩევი ეტაპის პირველი ტურის შეხვედრებს დღეიდან იწყებს. შესარჩევი ეტაპის A ჯგუფის მატჩები, თბილისში სპორტკომპლექს “ოლიმპიკში” გაიმართება, საქართველოს ნაკრების მეტოქეები სლოვაკეთის, შვეიცარიისა და პორტუგალიის ეროვნული გუნდები იქნებიან.

ორგანიზატორთა გადაწყვეტილებით, ევროპის ჩემპიონატზე მონაწილე გუნდების რაოდენობა 12-დან 16-მდე გაიზარდა, 2016 წლის ევროპის ჩემპიონატის 8 საგზური, 2014 წლის ევროპის ჩემპიონატის შედეგებიდან გამომდინარე უკვე მოპოვებული აქვთ სერბეთს, უნგრეთს, იტალიას, მონტენეგროს, ხორვატიას, საბერძნეთს, ესპანეთსა და რუმინეთს, დარჩენილი 8 საგზურისათვის კი 16 გუნდი იბრძოლებს და მათ შორისაა საქართველოს ნაკრებიც.

სპორტისა და ახალგაზრდობის საქმეთა სამინისტროს ინფორმაციით, პირველი შესარჩევი ეტაპის მატჩები 6-8 თებერვალს გაიმართება, მეორე ეტაპი კი 9-11 ოქტომბერს. ცნობილია ისიც, რომ მეორე შესარჩევი ჯგუფური ეტაპის მატჩები რუსეთში, საფრანგეთში, ისრაელსა და მალტაში გაიმართება. 2016 წელს სერბეთში გასამართი ევროპის ჩემპიონატის 8 საგზურს სწორედ ამ ორ შესარჩევ ეტაპში წარმატებული ნაკრებები მოიპოვებენ.

საქართველოს ეროვნული ნაკრების შემადგენლობა ასეთია: ნიკოლოზ შუბლაძე, გიორგი ხვედელიანი, ზურაბ რურუა (კაპ), კონსტანტინე გეგელაშვილი, მიხეილ ბაღათურია, ბექა ქავთარაძე, ანდრია ბითაძე, ხვიჩა ჯახაია, რევაზ იმნაიშვილი, ივან სტრუიჩი, დამირ ცრეპულია, მარკო ელაჩა, მარკო ელეზი. მწვრთნელები: ვლადიმერ ისელიძე და იოვან პოპოვიჩი
დღეს ერთმანეთს პორტუგალია-შვეიცარია და საქართველო სლოვაკეთი დაუპირისპირდებიან, 7 თებერვალს სლოვაკეთი-პორტუგალია და საქართველო-შვეიცარია, 8 თებერვალს კი შვეიცარია-სლოვაკეთისა და საქართველო-პორტუგალიის მატჩები გაიმართება.

news
: news თებერვალი 6, 2015 17:11

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,381
ვიზიტორი
დღეში
Powered By Google Analytics