“საქართველოს ფოსტის” ქუთაისის სერვის-ცენტრის თანამშრომელი ქურდობის ბრალდებით დააკავეს. ინფორმაციას შინაგან საქმეთა სამინისტრო ავრცელებს.
გამოძიების თანახმად, ტვირთებისა და ამანათების აღრიცხვის სპეციალისტმა იტალიიდან გამოგზავნილი ერთ-ერთი ამანათიდან ოქროს სამკაული მოიპარა. ბეჭდის დაკარგვის შესახებ პოლიციას სერვის-ცენტრის თანამშრომლებმა შეატყობინეს.
გამოძიებამ ასევე დაადგინა, რომ „საქართველოს ფოსტის” ქუთაისის სერვის-ცენტრში 2 თვის წინ Apple-ის ფირმის პლანშეტი დაიკარგა, რომელიც ბექა გ-მ მოიპარა და გარკვეული ანაზღაურების სანაცვლოდ ლომბარდში ჩააბარა.