“საფრთხე ძალიან მნიშვნელოვანია” – ექსპერტები “კარფურის” საიტზე თავდასხმას აფასებენ

news
: news იანვარი 12, 2015 10:28

“საფრთხე ძალიან მნიშვნელოვანია” – ექსპერტები “კარფურის” საიტზე თავდასხმას აფასებენ

ვის მიეკუთვნება და კონკრეტულად რა ტიპის ორგანიზაციაა ”ახლო აღმოსავლეთის კიბერ არმია”, რომელმაც ”კარფურის” ქართულ ვებგვერდზე ჰაკერული თავდასხმა განახორციელა, ამ დრომდე დაუდგენელია.

კავკასიოლოგი ალეკო კვახაძე ამბობს, რომ თავდასხმის უკან შესაძლოა იდგეს როგორც ალ ქაიდა, ისე ისლამური სახელმწიფო, შიიტური დაჯგუფებები და თავისთავად, ამ იდეოლოგიის მომხრე ნებისმიერი კერძო პირიც, რომელთაც ასეთი კიბერ-შეტევებით სურთ საზოგადოებას უთხრან „ჩვენ ვარსებობთ!“.

უსაფრთხოების ექსპერტი, კავკასიის აკადემიის დირექტორი, ლაშა პატარაიას კი მიაჩნია, რომ კიბერ-უსაფრთხოება საკმაოდ მნიშვნელოვანი სფეროა და სახელმწიფომ მის უზრუნველყოფაზე უფრო აქტიურად უნდა იზრუნოს.

„ჩვენთან როგორც სახელმწიფო, ისე კერძო სექტორში, არის ძალიან დიდი რაოდენობა მოწყვლადი ადგილების, რომელთა გამოყენების საშუალება აქვთ როგორც ჰაკერებს, ისე სპეცსამსახურებს და ტერორისტებსაც. საფრთხე ძალიან მნიშვნელოვანია და დროა დიდი ყურადღება დაეთმოს იმ საკითხს, რომელიც წლების განმავლობაში იყო სპეცსამსახურების კოშმარი და ჩვენთან ნაკლები დრო ეთმობოდა,“ – განაცხადა ლაშა პატარაიამ.

კარფურის” საქართველოს წარმომადგენლობაში მომხდართან დაკავშირებით კომენტარი ჯერ არ გაუკეთებიათ. შინაგან საქმეთა სამინისტრომ კი გამოძიება კომპიუტერულ ინფორმაციასთან არამართლზომიერი შეღწევის მუხლით დაიწყო. გამოძიებაში ჩართვას გეგმავს იუსტიციის სამინისტროს მონაცემთა გაცვლის სააგენტოც.

”ჩვენ მუსლიმები ვართ და არავის მივცემთ ნებას დაგვამციროს. ყურანი ჩვენი წიგნია, წყეულიმც იყოს შარლი ებდო” – ასეთი გზავნილი, ორგანიზაციამ 20-ზე მეტ საიტზე – მათ შორის ”კარფურის” ქართულ ვებგვერდზე – გუშინ დატოვა – საიტების უმეტესობა ფრანგულია.

news
: news იანვარი 12, 2015 10:28

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


22,560
ვიზიტორი
დღეში
Powered By Google Analytics