ზუგდიდში მეორე საჯარო სკოლასთან ამ წუთებში ბაჩო ახალაიას წიგნის „სოხუმი ჩემი იერუსალიმი“-ს პრეზენტაციის წინააღმდეგ საპროტესტო აქცია მიმდინარეობს. ამის შესახებ „თაიმერის“ კორესპონდენტი ადგილიდან იუწყება. მისივე ინფორმაციით, აქციაში მონაწილეობას ღებულობს ზუგდიდის რაიონული საკრებულოს თავმჯდომარე ლაშა გოგია, მერაბ ქვარაია და ლაშა გვასალია.
არსებული ინფორმაციით, ბაჩო ახალაიას წიგნის პრეზენტაცია 15:00 საათზე ანაკლიაშია დაგეგმილი, თუმცა ამ ეტაპზე უცნობია აქციის მონაწილეები ანაკლიაში წავლენ თუ არა.
ასევე თავდაპირველად გავრცელდა ინფორმაცია, რომ საპროტეტსო აქციაში მონაწილეობას არ ღებულობდა „დაიცავი საქართველოს“ ლიდერი კახა მიქაია. თუმცა „თაიმერთან“ საუბრისას კახა მიქაიამ აღნიშნა, რომ ის ამ წუთებში თანაგუნდელებთან ერთად საპორტესტო აქციას უერთდება.
ასევე აღსანიშნავია ის ფაქტიც, რომ ბაჩო ახალაიას წიგნის პრეზენტაცია თავდაპირველად ა. ღურწკაიას სახელობის გიმნაზიაში იყო დაგეგმილი, თუმცა სკოლის ხელმზღვანელობამ საბოლოოდ უარი განაცხადა პრეზენტაციის მასპინძლობაზე.
