რა ინფორმაციას ფლობს სოსო ჯოგლიძე-ადვოკატი სოსანაშვილის უდანაშაულობის დამტკიცებაზე საუბრობს

news
: news თებერვალი 11, 2015 14:30

რა ინფორმაციას ფლობს სოსო ჯოგლიძე-ადვოკატი სოსანაშვილის უდანაშაულობის დამტკიცებაზე საუბრობს

იური ვაზაგაშვილის საქმეზე დაკავებული გია სოსანაშვილის ადვოკატი აცხადებს, რომ აქვს მნიშვნელოვანი მტკიცებულებები, რომლებიც მისი დაცვის ქვეშ მყოფის უდანაშაულობას დაამტკიცებს.

სოსო ჯოგლიძემ ამ თემაზე დღეს პრეს-კლუბ კვირაში ისაუბრა. დღესვე ადვოკატი განსასჯელთან შეხვედრას გეგმავს რათა ახალ მტკიცებულებასთან დაკავშირებით პოზიციები შეაჯეროს.

„გვაქვს რაღაც მტკიცებულებები რაც შეგვიძლია დავუპირისპიროთ სახელმწიფო ბრალდებას მაგრამ ამ დეტალის გახმაურებისგან, რადგან პოზიციები ჯერ არ შემიჯერებია ჩემი დაცვის ქვეშ მყოფთან. ფაქტი არის ის, რომ არსებობს დნმ-ის ანალიზის პასუხი და მანდ გვაქვს ჩვენ პატარა რაღაც ხელის მოსაჭიდი, რომლის გაჟღერებისგანაც თავს შევიკავებ,“ – განაცხადა ჯოგლიძემ.

მისივე თქმით, ასაფეთქებელი საყვავილეში არ ყოფილა ჩამონტაჟებული და ის ერთ-ერთი ფილის ქვეშ იყო დადებული.

„ეს არის დილეტანტის გაკეთებული. იყო ინფორმაცია თითქოს საყვავილეში იყო ნაღმი, მაგრამ ის იყო დადებული იმ ფილის ქვეშ, რომელზეც უნდა გაევლო, ამ შემთხვევაში ვაზაგაშვილს,“ – განაცხადა ჯოგლიძემ.

შეგახსენებთ, რომ იური ვაზაგაშვილი შვილის საფლავზე სოფელ ყარაფილაში 20 იანვარს ააფეთქეს. მკვლელობის ბრალდებით დაკავებულია პოლიციის თანამშრომელი გიორგი სოსანაშვილი.

news
: news თებერვალი 11, 2015 14:30

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


10,983
ვიზიტორი
დღეში
Powered By Google Analytics