ოთარ მეღვინეთუხუცესის ძეგლის დაზიანებულ ნაწილს თბილისის მერია აღადგენს

news
: news იანვარი 17, 2015 15:45

ოთარ მეღვინეთუხუცესის ძეგლის დაზიანებულ ნაწილს თბილისის მერია აღადგენს

ოთარ მეღვინეთუხუცესის ძეგლის დაზიანებულ ნაწილს თბილისის მერია აღადგენსდედაქალაქის მერია ოთარ მეღვინეთუხუცესის ძეგლის დაზიანებულ ნაწილს უმოკლეს ვადაში აღადგენს, – ამის შესახებ 9 აპრილის ბაღში ჟურნალისტებს მერიის უსაფრთხოების სამსახურის უფროსმა ვალერი პაპიაშვილმა განუცხადა. მისი თქმით, დაზიანებულია მსახიობ ოთარ მეღვინეთუხუცესის ძეგლის წარწერა. ადგილზე მუშაობენ სამართალდამცავები და უკვე აღძრულია საქმე.
“დედაქალაქის მერია ოთარ მეღვინეთუხუცესის ძეგლზე დაზიანებულ წარწერას უმოკლეს ვადაში აღადგენს”, – განაცხადა ვალერი პაპიაშვილმა.
მისივე თქმით, ბაღს მერიის უსაფრთხოების სამსახურის თანამშრომლები იცავენ.
“თუ საჭიროდ ჩათვლის გამოძიება, დაიკითხება ის თანამშრომელი, რომელიც გუშინ მორიგეობდა”, – განაცხადა ვალერი პაპიაშვილმა.
9 აპრილის ბაღში, მსახიობ ოთარ მეღვინეთუხუცესის ძეგლი სავარაუდოდ წუხელ დააზიანეს. კვარცხლბეკზე გაკეთებული წარწერა – “ოთარ მეღვინეთუხუცესი” მთლიანად მოგლეჯილია.

news
: news იანვარი 17, 2015 15:45

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,352
ვიზიტორი
დღეში
Powered By Google Analytics