კორტების საქმეზე დაკავებულ 11 პირს ბრალი წაუყენეს

news
: news თებერვალი 3, 2015 15:02 განახლებულია

კორტების საქმეზე დაკავებულ 11 პირს ბრალი წაუყენეს

მნიშვნელოვანი

  • კრიმინალური პოლიციის ყოფილი უფროსის ადვოკატის ინფორმაციით, მისი დაცვის ქვეშ მყოფი ბრალს არ აღიარებს და შესაბამისად დადგენილების ოქმს ხელი არ მოაწერა.

სხვა სტატიები

ე.წ. კორტების სპეცოპერაციის საქმეზე დაკავებული 11 პოლიციელისთვის ბრალის წარდგენის პროცედურა დასრულდა. თბილისის პოლიციის სამმართველოსა და მოდულის შენობებში იმყოფებოდნენ ბრალდებულთა ადვოკატები.

კრიმინალური პოლიციის ყოფილი უფროსის ადვოკატის ინფორმაციით, მისი დაცვის ქვეშ მყოფი ბრალს არ აღიარებს და შესაბამისად დადგენილების ოქმს ხელი არ მოაწერა.

ფირცხალავას გამოძიება განზრახ მკვლელობის ორგანიზებას დამამძიმებელ გარემოებებში და მტკიცებულებების გაყალბების ორგანიზებას ედავება. კრიმინალური პოლიციის ყოფილი უფროსის გარდა ბრალი ე.წ. კორტების სპეცოპერაციის საქმეზე დაკავებულ ყოფილ პოლიციელებსაც წაუყენეს.
ჟურნალისტებთან საუბარში სპედანიშნულების რაზმის ყოფილი ხელმძღვანელის, კახა ნაკანის ადვოკატმა განაცხადა, რომ ნაკანი თავს დამნაშავედ არ ცნობს.”შევხვდი დაკავებულს, შემოვიდა გამომძიებელი, წაუყენეს ბრალი 109-ე მუხლით გათვალისწინებული დანაშაულის ჩადენისათვის, ჩემი დაცვის ქვეშ მყოფი გაეცნო ბრალის დადგენილებას, მაგრამ არ ეთანხმება ამ დადგენილებას და შესაბამისი შენიშვნაც გააკეთა, მაგრამ მოაწერა ხელი. თავს არ ცნობს დამნაშავედ,” – განაცხადა ადვოკატმა კახა შონიამ.
მთავარმა პროკურატურამ ე.წ. კორტებთან ჩატარებული სპეცოპერაციის საქმე გახსნა. საქმესთან დაკავშირებით 11 პირია დაკავებული, ერთი კი მიმალვაში იმყოფება. საქმეზე გამოძიება, საქართველოს სსკ-ის 109-ე მუხლის „ა“, „ზ“ და „თ“ ქვეპუნქტებით, 369-ე მუხლის მესამე ნაწილით და 147-ე მუხლის პირველი ნაწილით  გრძელდება, რაც სასჯელის სახედ და ზომად ითვალისწინებს თავისუფლების აღკვეთას 10-დან 20 წლამდე ან უვადო თავისუფლების აღკვეთას.

 

news
: news თებერვალი 3, 2015 15:02 განახლებულია

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,146
ვიზიტორი
დღეში
Powered By Google Analytics