იანვარ-ივნისის პერიოდში საქართველოდან 33 ქვეყანაში 13 165 653 ბოთლი ღვინოა ექსპორტირებული

news
: news ივლისი 3, 2015 12:16 განახლებულია

იანვარ-ივნისის პერიოდში საქართველოდან 33 ქვეყანაში 13 165 653 ბოთლი ღვინოა ექსპორტირებული

მნიშვნელოვანი

  • ღვინის ეროვნული სააგენტოს მონაცემებით, 2015 წლის იანვარ-ივნისის პერიოდში საქართველოდან მსოფლიოს 33 ქვეყანაში ექსპორტირებულია 13 165 653 ბოთლი (0,75 ლ) ღვინო, რაც თანხობრივად 39 425 552 აშშ დოლარს შეადგენს.

სხვა სტატიები

ღვინის ეროვნული სააგენტოს მონაცემებით, 2015 წლის იანვარ-ივნისის პერიოდში საქართველოდან მსოფლიოს 33 ქვეყანაში ექსპორტირებულია 13 165 653 ბოთლი (0,75 ლ) ღვინო, რაც თანხობრივად 39 425 552 აშშ დოლარს შეადგენს.
როგორც “ინტერპრესნიუსს” სააგენტოდან აცნობეს, წლის განვლილ პერიოდთან შედარებით, ყველაზე მაღალი ექსპორტი – 3 251 246 ბოთლი ივნისში დაფიქსირდა.
“შედარებისთვის: იანვარში ექსპორტირებული იყო – 1 343 018, თებერვალში – 1 558 631, მარტში -2 198 535, აპრილში – 2 878 656, მაისში – 2 476 567 ბოთლი”, – აცხადებენ სააგენტოში.
მათივე განმარტებით, საანგარიშო პერიოდის მონაცემებით, ექსპორტის მატებაა ისეთ სტრატეგიულად მნიშვნელოვან ბაზრებზე, როგორებიცაა ჩინეთი – 23%, იაპონია – 21%, ლატვია – 20%, ესტონეთი – 16%, გერმანია – 5%, აშშ – 28%, კანადა – 159%, აშშ – 61%, ყაზახეთი – 6%, დიდი ბრიტანეთი – 33%, ჰონგ-კონგი – 230% და სხვა.
ექსპორტიორი ქვეყნების პირველი ხუთეული ასე გამოიყურება: რუსეთი – 6 555 183, ყაზახეთი – 2 275 722, უკრაინა – 1 257 918, პოლონეთი – 796 076, ჩინეთი – 759 969 ბოთლი.
“ყველაზე დიდი რაოდენობით ექსპორტირებულია ადგილწარმოშობის ღვინოები: “ქინძმარაული” (წითელი ნახევრადტკბილი) – 1 960 717, “მუკუზანი” (წითელი მშრალი) – 637 643 და “წინანდალი” (თეთრი მშრალი) – 432 128 ბოთლი.
არასტაბილური პოლიტიკურ-ეკონომიკური მოვლენების გამო, 2 უმსხვილეს ექსპორტიორ ქვეყანაში – რუსეთსა (-63%) და უკრაინაში (-60%) ექსპორტის მკვეთრმა კლებამ, გავლენა იქონია 6 თვის ექსპორტის სტატისტიკაზე, რომელიც 2014 წლის ანალოგიურ პერიოდთან შედარებით 49%-ითაა შემცირებული. იანვარში კლების მაჩვენებელი იყო – 87%, თებერვალის მონაცემებით – 71%, მარტის – 67%, აპრილის – 58%, მაისის – 54%..
ასევე აღსანიშნავია, რომ იანვარში ღვინის ექსპორტი სულ 16 ქვეყანაში განხორციელდა, პირველი კვარტლის მონაცემებით – 25, ხოლო ივნისისთვის 33 ქვეყანაში.
ხაზგასასმელია, რომ 2015 წლის 6 თვის ექსპორტის მაჩვენებელი (13 165 653 ბოთლი) აღემატება გასული წლების ანალოგიურ მაჩვენებლებს, 2014 წლის გამონაკლისით. მაგალითისთვის: 2012 წელს ექსპორტირებული იყო 9 105 787 და 2013 წ. – 11 354 671 ბოთლი ღვინო. კლება არის 2014 წელთან შედარებით (26 872 145 ბოთლი), რაც განპირობებულია მრავალწლიანი ემბარგოს გაუქმების შემდეგ, 2014 წელს რუსეთის ბაზარზე ღვინის ექსპორტის ბუმისა და პიკური მაჩვენებლით.
ამასთან ერთად, საანგარიშო პერიოდში 15 ქვეყანაში ექსპორტირებულია 2 523 161 ბოთლი (0,5 ლ) ბრენდი, რაც თანხაში 7 073 805 აშშ დოლარს აღწევს. მსოფლიოს 17 ქვეყანაში ექსპორტირებულია ასევე 57 402 ბოთლი (0,5 ლ) ბოთლი ჭაჭა”, – განმარტავენ სააგენტოში.
ოფიციალური ინფორმაციით, მთლიანობაში ღვინის, ბრენდის, ჭაჭის, ღვინომასალის, ჩამოსასხმელი ბრენდისა და საბრენდე სპირტის ექსპორტის შედეგად მიღებულმა შემოსავლებმა წლის პირველ ნახევარში 58,3 მლნ აშშ დოლარს მიაღწია.

news
: news ივლისი 3, 2015 12:16 განახლებულია

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,353
ვიზიტორი
დღეში
Powered By Google Analytics