დავით ნარმანია – ჯოკია ბოდოკიას ჩემი ძმა არ იცავს

news
: news თებერვალი 12, 2015 13:55 განახლებულია

დავით ნარმანია – ჯოკია ბოდოკიას ჩემი ძმა არ იცავს

თბილისის მერი დავით ნარმანია უარყოფს, რომ დაკავებული ჯოკია ბოდოკია მისი თანასოფლელი და კლასელია. ნარმანიას თქმით, არც ის ინფორმაცია შეესაბამება სიმართლეს, რომ ბოდოკიას დავით ნარმანიას ძმა იცავს. დღეს მთავრობის სხდომის დასრულების შემდეგ დავით ნარმანია ოპონენტების ბრალდებებს გამოეხმაურა იმასთან დაკავშირებით, რომ ჯოკია ბოდოკიას დავით ნარმანია და ალექსანდრე მარგიშვილი ლობირებდნენ.
“ეს არის აბსოლუტურად აბსურდული განცხადება, რომელსაც რეალობასთან არანაირი კავშირი არ აქვს. მე მინდა გამოვეხმაურო გავრცელებულ დეზინფორმაციას იმასთან დაკავშირებით, თითქოს ჯოკია ბოდოკიას ჩემი ძმა იცავს. ჩემი ძმა პროფესიით ადვოკატია, მაგრამ ამ საქმესთან არანაირი კავშირი არ აქვს. მეტსაც გეტყვით, ინტერესთა კონფლიქტია და ის ვერ დაიცავს მას, მითუმეტეს, რომ საქართველოშიც არ იმყოფება. აქედან გამომდინარე, ეს განცხადება არის ისეთივე სიცრუე, როგორც გავრცელებული ინფორმაცია იმასთან დაკავშირებით, თითქოს ჯოკია ბოდიკია ჩემი თანასოფლელია. ის არის თბილისში დაბადებული, გაზრდილი, ჩემზე რამდენიმე წლით უფროსი და შესაბამისად, ჩემი თანაკლასელი, თანასოფლელი და ბავშვობის მეგობარი ვერ იქნებოდა”, – განაცხადა ნარმანიამ.
რაც შეეხება კითხვას იმის შესახებ, შეიძლება თუ არა დადგეს მერიაში ბოდოკიას ზემდგომი თანამდებობის პირების პასუხისმგებლობის საკითხი, ნარმანიას თქმით, თუ სამართალდამცველები გამოძიების პროცესში რაიმე დამატებით გარემოებას დაადგენენ, რა თქმა უნდა, რეაგირება იქნება.

news
: news თებერვალი 12, 2015 13:55 განახლებულია

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,691
ვიზიტორი
დღეში
Powered By Google Analytics