“ბოლო ერთი თვის განმავლობაში დუშეთში სატანისტურ სექტას 2 ბავშვის სიცოცხლე ემსხვერპლა“

news
: news მარტი 2, 2015 11:17 განახლებულია

“ბოლო ერთი თვის განმავლობაში დუშეთში სატანისტურ სექტას 2 ბავშვის სიცოცხლე ემსხვერპლა“

„რეფორმატორების“ წარმომადგენლის ნინო ჩარკვიანის განცხადებით, სატანისტური სექტის საქმიანობაში 50-60 ბავშვამდეა ჩართული.

როგორც ჩარკვიანმა საინფორმაციო-ანალიტიკურ პორტალ „კვირას“ პრესკლუბში განაცხადა, მოზარდები სხვა თანატოლებისგან გარეგნული მხარითაც გამოირჩევიან, თითოეულ მათგანს ყვითელი კანი და ამოყირავებული ჯვარი ამოსვირინგებული აქვს წარწერით: „სიძულვილი“.

ჩარკვიანმა შინაგან საქმეთა მინისტრს აღნიშნული პრობლემით დაინტერესება და საქმის პირად კონტროლზე აყვანა სთხოვა. მასთან ერთად მან საპატრიარქოსა და ბავშვთა უფლებათა დაცვის ორგანიზაციებს აღნიშნული საკითხით დაინტერესება და დახმარება სთხოვა.

„ორი დღის წინ დუშეთში 15 წლის გოგონა გარდაიცვალა. მან კალიუმის ციანიდი დალია, რომელიც, როგორც დასტურდება, თბილისიდან მიკროავტობუსის საშუალებით გაუგზავნეს. გოგონას ქმედების მიზეზი რამდენიმე დღის წინ გაურკვეველი მიზეზით მისი 18 წლის შეყვარებულის გარდაცვალება გახდა. ჩვენ გვაქვს ინფორმაცია, რომ ორივენი დუშეთში არსებულ სატანისტურ სექტასთან არიან კავშირში. ამ სექტის წარმომადგენელები რიტუალებს ღამით დუშეთის სასაფლაოზე ატარებენ. აქამდე ისინი სასაფლაოზე ცხოველებს თავებს აჭრიდნენ, ახლა კი მდგომარეობა ბევრად მძიმეა და ამ სექტას უკვე მოზარდები ეწირებიან“,- აღნიშნა ნინო ჩარკვიანმა.

ჩარკვიანის თქმით, ის დუშეთში 20-30 ოჯახს გაესაუბრა. მისი თქმით, მათ ხმამაღლა ამ სექტაზე საუბრის ეშინიათ და თავს იკავებენ. მისი განმარტებით, აღნიშნულის შესახებ უკვე საქმის კურსშია პოლიციაც, რომელმაც გოგონას გარდაცვალების გამო თვითმკვლელობამდე მიყვანის მუხლით საქმე აღძრა და სოციალურ ქსელში სექტის საიდუმლო ჯგუფის ინფორმაციის შესწავლა დაიწყო.

„ვთხოვ შინაგან საქმეთა მინისტრს, რომ პირად კონტროლზე აიყვანოს ეს საქმე და ამ საკითხში საპარტრიაქო და ბავშვთა უფლებათა დაცვის ორგანიზაციები ჩაერთონ, რომ ბავშვები გადავარჩინოთ“, -აღნიშნა ნინო ჩარკვიანმა.

news
: news მარტი 2, 2015 11:17 განახლებულია

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


8,936
ვიზიტორი
დღეში
Powered By Google Analytics