აკაკი ბობოხიძე: კიდევ ერთხელ გამოჩნდა საქართველოს ბაზრის რუსეთზე ხელმეორედ და ექსკლუზიურად მიბმის შედეგები

news
: news იანვარი 17, 2015 12:16

აკაკი ბობოხიძე: კიდევ ერთხელ გამოჩნდა საქართველოს ბაზრის რუსეთზე ხელმეორედ და ექსკლუზიურად მიბმის შედეგები

“ნაციონალური მოძრაობის” წევრის, აკაკი ბობოხიძის განცხადებით, დღეს, კიდევ ერთხელ გამოჩნდა დღევანდელი მთავრობის არასწორი საგარეო ეკონომიკური პოლიტიკის, კერძოდ კი საქართველოს ბაზრის, განსაკუთრებით კი აგრარული პროდუქციის, რუსეთზე ხელმეორედ და ექსკლუზიურად მიბმის შედეგები.
როგორც აკაკი ბობოხიძემ დღეს გამართულ პრესკონფერენციაზე განაცხადა, “ერთიანი ნაციონალური მოძრაობა” ყოველთვის აღნიშნავდა, რომ აუცილებელია ჩვენი პროდუქტებისთვის გასაღების ბაზრის დივერსიფიცირება და დაუშვებელია არასატაბილური და უაღრესად პოლიტიზირებული რუსეთის ბაზრის იმედად ყოფნა.
“სამწუხაროდ, მთავრობამ არაფერი არ გააკეთა ამ მიმართულებით და დღეს ჩვენი მოსახლეობა უკვე იმკის ამის შედეგებს.
რუსეთში არსებული ეკონომიკური კრიზისისა და საქართველოს პროდუქტებისთვის ხელმეორედ დაწესებული შეზღუდვების შედეგებს უკვე გრძნობს თავის თავზე წყალტუბოს რაიონის ბოსტნეულისა და მწვანილის მწარმოებელი 5 000 ოჯახი. უნდა აღვნიშნოთ, რომ საქართველოს ეკონომიკაში ამ ოჯახებს ღვინის წარმოებიდან მიღებული შემოსავლის ნახევარზე მეტი ოდენობა შეაქვს. დაუშვებლად, მიგვაჩნია მთავრობის დივერსიფიცირებული დამოკიდებულება ამ ოჯახებისა და ყურძნისა და ციტრუსების მწარმოებლებს შორის.
მივიჩნევთ, რომ მთავრობა უნდა გადადგას ქმედითი ზომები, რომ:
1. შეასრულოს თავისი წინასაარჩევნო დანაპირები და გაუწიოს ქმედითი დაეხმარება, მისი უგუნური პოლიტიკის გამო გასაჭირში ჩავარდნილ საქართველოს მოქალაქეებს;
2. გაატაროს თანმიმდევრული აგრარული პოლიტიკა;
3. გამოიყენოს ევროკავშირთან და სტრატეგიულ პარტნიორებთან თანამშრომლობის ყველა მექანიზმი და მოახდინოს საქართველოს პროდუქტების გასაღების ბაზრების დივერსიფიცირება;
4. დაეხმაროს საქართველოს მწარმოებლებს დააკმაყოფილონ არსებული ევროსტანდარტები, რაც ასევე ხელს შეუწყობს გასაღების ბაზრების დივერსიფიცირება”, -აცხადებენ “ნაციონალურ მოძრაობაში”.

news
: news იანვარი 17, 2015 12:16

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,930
ვიზიტორი
დღეში
Powered By Google Analytics